కలగా మిగిలిన బాలకార్మిక నిర్మూలనటీ షాపులలో నలిగిపోతున్న బాల్యం

నేటి సాక్షి న్యూస్ చౌడేపల్లి డిసెంబర్ 15బాల కార్మిక వ్యవస్థ నిర్మూలన అనేది పిల్లల శారీరక,మానసిక,విద్యాభివృద్ధికి అత్యంత అవసరం,దీనికోసం బాల కార్మిక (నిషేధం మరియు నియంత్రణ) చట్టం,1986 వంటి చట్టాలు 14 ఏళ్లలోపు పిల్లలను ప్రమాదకరమైన పనుల్లో నియమించడాన్ని నిషేధిస్తున్నాయి,అయితే దారిద్ర్యం,నిరక్షరాస్యత ప్రధాన కారణాలు కాబట్టి పేదరికాన్ని నిర్మూలించడం,అవగాహన కల్పించడం,ప్రభుత్వ, సామాజిక భాగస్వామ్యంతో పాటు బాలల హక్కులను పరిరక్షించడం ద్వారా ఈ సమస్యను పరిష్కరించవచ్చు. బాల కార్మిక వ్యవస్థ అంటే ఏమిటి?18 సంవత్సరాల లోపు పిల్లల చదువుకు, ఎదుగుదలకు ఆటంకం కలిగించే శారీరక, మానసిక, సామాజిక, నైతిక హాని కలిగించే పనిని బాల కార్మిక వ్యవస్థ అంటారు.ఈ వ్యవస్థ పిల్లల బాల్యాన్ని, విద్యా హక్కును హరించివేస్తుంది,వారిని దోపిడీకి గురిచేస్తుంది.బాల కార్మిక (నిషేధం మరియు నియంత్రణ) చట్టం,1986: 14 సంవత్సరాల లోపు పిల్లలను ప్రమాదకరమైన వృత్తులలో నియమించడాన్ని ఇది నిషేధిస్తుంది.2016 సవరణ చట్టం అన్ని వృత్తులలో పిల్లలను నిమగ్నం చేయడాన్ని నిషేధించి, కౌమారదశలో ఉన్న వారిని ప్రమాదకరమైన పనుల్లో నియమించడాన్ని కూడా అడ్డుకుంటుంది. సమస్యకు కారణాలు: కుటుంబ పోషణ కోసం పిల్లలు పని చేయాల్సి వస్తుంది.విద్య లేకపోవడం వలన బాల కార్మిక వ్యవస్థ పెరుగుతుంది.పేదరికం,నిరక్షరాస్యతతో ముడిపడి ఉన్నందున ఇది ఒక సంక్లిష్టమైన సమస్య.పిల్లలను పనిలో పెట్టకుండా ఆపడానికి కుటుంబాలకు ఆర్థిక సహాయం అందించడం.బాలల హక్కులపై,బాల కార్మిక వ్యవస్థ వల్ల కలిగే నష్టాలపై ప్రజల్లో అవగాహన కల్పించడం.చట్టాలను కఠినంగా అమలు చేయడం, బాల కార్మికులను రక్షించడం.పిల్లలందరికీ విద్యను అందుబాటులోకి తీసుకురావడం ద్వారా వారిని బడికి పంపించడం.బాల కార్మిక వ్యవస్థ నిర్మూలన అనేది ప్రభుత్వంతో పాటు ప్రతి ఒక్కరి సామాజిక బాధ్యత అని సెంటర్ ఫర్ ఆక్ట్స్ అండ్ రైట్స్ డెవలప్మెంట్ సొసైటీ వ్యవస్థాపకులు ఉత్తరాది హరిప్రసాద్ అన్నారు. ఈ సందర్బంగా ఆయన మాట్లాడుతూ మన రాష్ట్ర ప్రభుత్వం బాలకార్మిక నిర్మూలన కొరకు ఎన్నో ప్రయత్నాలు చేస్తున్ననూ చౌడేపల్లిలో మాత్రం ఎటువంటి బాలకార్మిక నిర్మూలన జరగడం లేదని,అలాగే బాల్యవివాహాలు కూడా జరుగుతున్ననూ ఇటు అధికారులు, అటు తల్లిదండ్రులు ఏమాత్రం పట్టించుకోవడం లేదని ఆయన వాపోయారు.పట్టణంలోని సిలిగూరి టీ షాపులో బాలకార్మికుడు పనిచేస్తున్ననూ, ఎవరూ పట్టించుకోక పోవడం, బాలకార్మిక వ్యవస్థను చూసి చూడనట్లు వదిలేస్తున్న అధికారులు, సామాజిక కార్యకర్తలు, కావున ఇకనైనా సామాజిక కార్యకర్తలు బాలకార్మిక నిర్మూలన పై నడుంబిగించాల్సిన అవసరం ఉందని ఆయన ఆవేదన వ్యక్తం చేశారు.