టపాకాయల దుకాణాలపై పోలీసుల నిఘా కఠినం** భద్రతా ప్రమాణాలు ఉల్లంఘిస్తే చట్టపరమైన చర్యలు తప్పవు* ప్రజలే జాగ్రత్తగా ఉండాలని అధికారులు సూచన*

నేటి సాక్షి -కోరుట్ల*( రాధారపు నర్సయ్య )దీపావళి సమీపిస్తున్న వేళ, జిల్లాలో టపాకాయల విక్రయాలు ఊపందుకుంటున్నాయి. పండుగ సందర్భంగా ప్రజలు ఆనందంలో మునిగిపోతుంటే, భద్రతా అంశాలను విస్మరించడం వల్ల ప్రతి ఏడాది అనేక ప్రమాదాలు చోటుచేసుకుంటున్నాయి. ఈ నేపథ్యంలో ప్రభుత్వం, పోలీసులు, ఫైర్‌ సర్వీస్ శాఖలు ఈసారి ముందుగానే కఠిన చర్యలు చేపట్టాయి. అనుమతి లేకుండా టపాకాయల దుకాణాలు ప్రారంభించిన వారిపై Explosives Act, 1884 మరియు Explosive Rules, 1933 (Amendment 2008) ప్రకారం కఠిన చట్టపరమైన చర్యలు తీసుకోనున్నట్లు అధికారులు హెచ్చరిస్తున్నారు.*అనుమతి లేకుండా దుకాణాలు పెట్టొద్దు*దీపావళి సీజన్‌లో తాత్కాలికంగా టపాకాయల దుకాణాలు ఏర్పాటు చేయాలనుకునే వారు ముందుగా సంబంధిత డివిజనల్ పోలీస్ అధికారి లేదా సర్కిల్ ఇన్‌స్పెక్టర్‌ నుండి అనుమతి తప్పనిసరిగా తీసుకోవాలి. అనుమతిపత్రం లేకుండా స్థావరాలు నెలకొల్పితే, దుకాణ యజమానిపై కేసు నమోదు చేసి షాపు మూసివేయడం సహా ఇతర చట్టపరమైన చర్యలు తీసుకుంటామని అధికారులు తెలిపారు.మునిసిపల్‌ గుర్తించిన ఖాళీ ప్రదేశాల్లోనే విక్రయాలు జరపాలని, బజార్లు, బస్‌స్టాండ్లు, ఆసుపత్రులు వంటి జనసమ్మర్ధ ప్రాంతాల్లో టపాకాయల విక్రయాలు నిషేధించబడ్డాయని పోలీసు అధికారులు స్పష్టం చేశారు.*భద్రతా ప్రమాణాలు తప్పనిసరి*ప్రతి దుకాణంలో ఫైర్ ఎక్స్టింగ్విషర్‌లు, నీటి బకెట్లు, సురక్షిత విద్యుత్ కనెక్షన్ తప్పనిసరిగా ఉండాలని ఫైర్‌ సిబ్బంది సూచిస్తున్నారు. టపాకాయల దుకాణాల మధ్య కనీసం పది అడుగుల దూరం ఉండేలా చూసుకోవాలి. చిన్న పిల్లల ద్వారా టపాకాయల విక్రయాలు చేయకూడదు.పాత లేదా తడిసిన టపాకాయలను తిరిగి అమ్మడం నిషేధం. క్యూ పద్ధతి అమలు చేయడం, పొగ త్రాగడానికి నిషేధ సూచనలు ఉంచడం వంటి చర్యలు తప్పనిసరిగా ఉండాలని అధికారులు తెలిపారు. పండుగ ఉత్సాహంలో నిర్లక్ష్యం చోటుచేసుకుంటే చిన్న తప్పిదమే పెద్ద ప్రమాదానికి దారితీస్తుందని హెచ్చరించారు.*ఉల్లంఘనలకు కఠిన శిక్షలు*భద్రతా ప్రమాణాలు పాటించకుండా లేదా అనుమతి లేకుండా దుకాణాలు నడిపితే, Explosives Act, 1884 మరియు Explosive Rules, 1933 (Amendment 2008) ప్రకారం భారీ జరిమానాలు, జైలు శిక్షలు విధిస్తామని పోలీసులు తెలిపారు. అధిక ధరలకు అమ్మడం, నాణ్యతలేని టపాకాయలను విక్రయించడం కూడా నేరంగా పరిగణించబడుతుంది.అధికారుల పర్యవేక్షణలో ప్రతి మండలంలో ప్రత్యేక స్క్వాడ్లు ఏర్పాటు చేసినట్లు సమాచారం. స్థానిక పోలీసులు, ఫైర్‌ శాఖ అధికారులు సంయుక్త తనిఖీలు నిర్వహిస్తూ, ప్రజల భద్రతను కాపాడేందుకు చర్యలు చేపడుతున్నారు.*ప్రజలే ముందుండాలి*’పండుగ సంతోషం భద్రతతోనే నిలుస్తుంది. టపాకాయలను సురక్షితంగా ఉపయోగించడం, పిల్లలను పర్యవేక్షణలో ఉంచడం ప్రతి కుటుంబ బాధ్యత’ని ఫైర్‌ అధికారులు పేర్కొంటున్నారు.అనుమతి లేని దుకాణాలు లేదా ప్రమాదకరంగా నిల్వ చేసిన టపాకాయల గురించి ప్రజలు పోలీసులకు, ఫైర్ కంట్రోల్ నంబర్లకు వెంటనే సమాచారం ఇవ్వాలని సూచించారు.ప్రభుత్వం, పోలీసులు, ఫైర్‌ సర్వీస్ శాఖలు కలసి ‘సేఫ్ దీపావళి – హ్యాపీ దీపావళి’ అనే అవగాహన కార్యక్రమాలు కూడా ప్రారంభించాయి.*అధిక ధరలు, నాణ్యతలేని వస్తువులు నిషేధం*దుకాణదారులు ప్రభుత్వం నిర్ణయించిన ధరలకు మించి అమ్మకూడదు. చిన్నపిల్లల ద్వారా విక్రయాలు చేయడం, పాత టపాకాయలను అమ్మడం, నాణ్యత లేని వస్తువులను విక్రయించడం చట్టపరమైన నేరం.క్రాకర్స్ కొనుగోలు చేసే ముందు ఉత్పత్తి నాణ్యత, తయారీ సంవత్సరం తప్పనిసరిగా పరిశీలించాలని సూచిస్తున్నారు.*సమాజ భద్రతలో ప్రతి ఒక్కరి బాధ్యత*టపాకాయల దుకాణదారులు మాత్రమే కాకుండా వినియోగదారులు కూడా సురక్షితంగా వ్యవహరించాలని పోలీసులు సూచిస్తున్నారు. పిల్లల చేతిలో టపాకాయలు ఇవ్వరాదు, గుంపులుగా పేల్చరాదు, పాత ప్యాకెట్లు ఉపయోగించరాదు.అత్యవసర పరిస్థితుల్లో 100 లేదా ఫైర్ కంట్రోల్ రూమ్‌కు 101 నంబర్‌కు సమాచారం ఇవ్వాలని పేర్కొంటున్నారు.