*డాక్టర్ వై.ఎస్.ఆర్. ప్రభుత్వ డిగ్రీ కళాశాలలో ఘనంగా ‘ఫ్రెషర్స్ డే’ అండ్ ఇండక్షన్ కార్యక్రమం*

నేటి సాక్షి తిరుపతి (బాదూరు బాల)*వెదురు కుప్పం*డాక్టర్ వై.ఎస్.ఆర్ ప్రభుత్వ డిగ్రీ కళాశాల, వెదురుకుప్పంలో నూతనంగా ప్రవేశించిన మొదటి సంవత్సరం విద్యార్థులకు స్వాగతం పలికే ఉద్దేశంతో *ఫ్రెషర్స్ డే*’ మరియు *ఇండక్షన్ కార్యక్రమం* నేడు అత్యంత వైభవంగా జరిగింది. విద్యార్థులకు కళాశాల నిబంధనలు, విద్యా వాతావరణాన్ని పరిచయం చేయడంలో ఈ కార్యక్రమం విజయవంతమైంది.ఈ కార్యక్రమానికి *కళాశాల ప్రిన్సిపాల్ డాక్టర్ బి.అన్నపూర్ణ శారద* గారు ఆతిథ్యం ఇచ్చారు. కళాశాల నాణ్యతా హామీ విభాగం పర్యవేక్షణలో ఈ కార్యక్రమాన్ని నిర్వహించారు. నూతన విద్యార్థులకు కళాశాల అందించే సదుపాయాలు, విద్యా ప్రమాణాలు, జాతీయ విద్యా విధానం గురించి సమగ్ర అవగాహన కల్పించడమే ఇండక్షన్ ప్రోగ్రామ్ యొక్క ముఖ్య ఉద్దేశమని ప్రిన్సిపాల్ డాక్టర్ బి. అన్నపూర్ణ శారద తెలిపారు.ఈ సందర్భంగా ఆమె మాట్లాడుతూ, “డిగ్రీ విద్య అనేది విద్యార్థుల భవిష్యత్తుకు పునాది వంటిది. లక్ష్యాలను ఏర్పరచుకొని, క్రమశిక్షణతో ముందుకు సాగితే విజయం సాధించడం ఖాయం. మా కళాశాల తరపున విద్యార్థులకు అన్ని విధాలా మద్దతు అందిస్తాము,” అని పేర్కొన్నారు.విద్యార్థుల చురుకైన భాగస్వామ్యంఇండక్షన్ కార్యక్రమం అనంతరం జరిగిన ఫ్రెషర్స్ డే వేడుకల్లో నూతన విద్యార్థులు ఉత్సాహంగా పాల్గొన్నారు. కళాశాల సీనియర్ విద్యార్థులు జూనియర్లకు స్వాగతం పలికి, పలు సాంస్కృతిక కార్యక్రమాలు, ఆటల పోటీలు నిర్వహించారు. నూతన విద్యార్థులు కూడా పాటలు, నృత్యాలతో తమ ప్రతిభను ప్రదర్శించారు.కళాశాల యొక్క (ఐక్యూఎసి)కోఆర్డినేటర్ మరియు ఇతర అధ్యాపక సిబ్బంది విద్యార్థుల ఉత్సాహాన్ని అభినందించారు. ఈ కార్యక్రమం ద్వారా సీనియర్, జూనియర్ విద్యార్థుల మధ్య బంధం మరింత బలపడుతుందని, అకడమిక్ మరియు సాంస్కృతిక కార్యక్రమాలలో వారు చురుకుగా పాల్గొనేందుకు ప్రోత్సాహం లభిస్తుందని వారు ఆశాభావం వ్యక్తం చేశారు. నూతన విద్యార్థులు కళాశాల జీవితాన్ని విజయవంతంగా ప్రారంభించడానికి ఈ కార్యక్రమం చక్కటి వేదికగా నిలిచింది. ఈ కార్యక్రమంలో విద్యార్థినీ విద్యార్థులు మరియు అధ్యాపక అధ్యాపకేత్ర బృందం పాల్గొని కార్యక్రమాన్ని జయప్రదం చేశారు