*తంగడపల్లి గ్రామ పాఠశాలలకు ఊరట – మరుగుదొడ్ల సమస్యకు పరిష్కారం* *విద్యార్థుల ఇబ్బందులు విన్న వెంటనే స్పందించిన కాంటెస్ట్ సర్పంచ్ ఎలిగేటి శ్రీకాంత్ రెడ్డి* ₹ *81,000 స్వంత నిధులతో వాష్‌రూమ్ మరమ్మత్తులు పూర్తి* *విద్యార్థుల ఆరోగ్యం, గౌరవానికి పెద్ద పీట వేసిన ప్రజాసేవ* రంగారెడ్డి జిల్లా

నేటి సాక్షి ప్రతినిధి సుధాకర్ గౌడ్ , చేవెళ్ల న్యూస్ తంగడపల్లి గ్రామంలోని ఉభయ పాఠశాలలకు సంబంధించిన మరుగుదొడ్లు (వాష్‌రూమ్స్) శిథిలావస్థకు చేరుకోవడంతో విద్యార్థులు తీవ్ర ఇబ్బందులు ఎదుర్కొంటున్నారు. ముఖ్యంగా బాలికలు, చిన్న తరగతుల విద్యార్థులు మరింత సమస్యను ఎదుర్కొనాల్సి వస్తుండగా, ఈ పరిస్థితి పాఠశాల వాతావరణంపై కూడా ప్రతికూల ప్రభావం చూపుతోంది. ఈ విషయాన్ని పాఠశాల యాజమాన్యం గమనించి గ్రామ కాంటెస్ట్ సర్పంచ్ శ్రీ ఎలిగేటి శ్రీకాంత్ రెడ్డి గారికి తమ బాధను తెలియజేశారు.విద్యార్థుల సమస్యను విన్న వెంటనే స్పందించిన శ్రీ ఎలిగేటి శ్రీకాంత్ రెడ్డి గారు, “ఇది చిన్న విషయం కాదు… పిల్లల ఆరోగ్యం, గౌరవం, భద్రతకు సంబంధించిన అంశం” అంటూ తక్షణమే చర్యలకు ఉపక్రమించారు. ప్రభుత్వ నిధుల కోసం ఎదురు చూడకుండా, తన సొంత నిధులతోనే ఈ సమస్యను పరిష్కరిస్తానని ముందుకు వచ్చారు.తదనంతరం ఆయన స్వంతంగా ₹81,000 ఖర్చు చేసి పాఠశాలలకు సంబంధించిన మరుగుదొడ్ల మరమ్మత్తులను పూర్తిస్థాయిలో చేపట్టించారు. వాష్‌రూమ్స్ శుభ్రంగా, ఉపయోగించుకునేలా మరమ్మత్తులు చేయడంతో పాటు, నీటి సదుపాయం, భద్రత అంశాలపైనా ప్రత్యేక దృష్టి సారించారు. దీంతో విద్యార్థులు ఇకపై ఎలాంటి ఇబ్బందులు లేకుండా వాష్‌రూమ్స్ వినియోగించుకునే పరిస్థితి ఏర్పడింది.ఈ సేవా కార్యక్రమంపై పాఠశాల ఉపాధ్యాయులు, విద్యార్థులు హర్షం వ్యక్తం చేశారు. ముఖ్యంగా బాలిక విద్యార్థులకు ఇది ఎంతో ఊరట కలిగించే అంశమని వారు తెలిపారు. సమస్యను విన్న వెంటనే స్పందించి, స్వంత నిధులతో పరిష్కారం చూపిన శ్రీకాంత్ రెడ్డి గారి సేవాభావాన్ని వారు కొనియాడారు.గ్రామస్తులు కూడా ఈ కార్యక్రమాన్ని అభినందిస్తూ, ఇలాంటి ప్రజాప్రతినిధులు గ్రామానికి ఆశీర్వాదమని వ్యాఖ్యానించారు. ఎన్నికల సమయంలో మాత్రమే కాకుండా, ప్రజల అవసరాల కోసం ఎప్పుడూ ముందుండే నాయకత్వమే నిజమైన సేవ అని వారు పేర్కొన్నారు.మొత్తంగా తంగడపల్లి గ్రామ పాఠశాలల్లో జరిగిన ఈ మరుగుదొడ్ల మరమ్మత్తుల కార్యక్రమం విద్యార్థుల ఆరోగ్యం, గౌరవం, భద్రతకు పెద్ద భరోసాగా నిలిచింది. విద్యాభివృద్ధితో పాటు మౌలిక సదుపాయాలపై దృష్టి సారించిన ఈ చర్య గ్రామంలో విశేష ప్రశంసలు పొందుతోంది.