*మహిళల భద్రతకు ప్రాధాన్యం–నేరాల నియంత్రణకు కఠిన చర్యలు*——* కోరుట్ల పోలీస్‌స్టేషన్‌ పరిశీలన* జగిత్యాల ఎస్పీ అశోక్‌కుమార్ ఆకస్మిక తనిఖీ* ప్రజలకు సత్వర న్యాయం–విజిబుల్ పోలీసింగ్‌ పై దృష్టి* ఆధునిక టెక్నాలజీ వినియోగంపై సిబ్బందికి సూచనలు—*

నేటి సాక్షి – కోరుట్ల*( రాధారపు నర్సయ్య )జగిత్యాల జిల్లా పోలీస్ సూపరింటెండెంట్ అశోక్‌కుమార్ సోమవారం కోరుట్ల పోలీస్ స్టేషన్‌ను ఆకస్మికంగా తనిఖీ చేశారు. *ప్రతీ విభాగం సమగ్రంగా తనిఖీ*వార్షిక తనిఖీల్లో భాగంగా ఆయన స్టేషన్‌లోని ప్రతి విభాగాన్ని సమగ్రంగా పరిశీలించారు. రికార్డులు, కేసు ఫైల్స్, లాకప్ గదులు, స్టోర్స్, ఆర్మ్‌రూమ్, జనరల్ డైరీ వరకు పరిశీలిస్తూ పోలీస్ విధానంపై లోతుగా పరిశీలించారు. పెండింగ్ కేసుల పురోగతిని రివ్యూ చేసి విచారణ వేగవంతం చేయాలని సూచించారు. ప్రజలకు సత్వర న్యాయం, విజిబుల్ పోలీసింగ్‌ కీలకమని అన్నారు. ప్రతి ఫిర్యాదు పట్ల వెంటనే స్పందించి బాధితులకు న్యాయం చేయాలని సూచించారు. మహిళల భద్రత, సైబర్ నేరాల నివారణ, మాదకద్రవ్యాల నియంత్రణపై ప్రత్యేక దృష్టి సారించాలని ఎస్పీ ఆదేశించారు. పోలీస్ స్టేషన్ పరిసరాల్లో పరిశుభ్రత, పచ్చదనం కోసం సిబ్బంది కృషి చేయాలని పిలుపునిచ్చారు.*సూక్ష్మ తనిఖీ – రికార్డులపై దృష్టి*తనిఖీ సందర్భంగా ఎస్పీ..స్టేషన్‌లోని వివిధ విభాగాలను పరిశీలించారు. క్రైమ్ రికార్డులు, రిజిస్టర్లు, ఆర్మ్ రూమ్, లాకప్ గదులు వంటి విభాగాల నిర్వహణపై సవివరంగా ఆరా తీశారు. పిటిషన్ మేనేజ్‌మెంట్ సిస్టమ్‌లో నమోదైన వివరాలను స్వయంగా తనిఖీ చేశారు. ప్రతి ఫిర్యాదు పై రిసిప్ట్ ఇవ్వడం తప్పనిసరి చేయాలని ఆదేశించారు. పోలీస్ స్టేషన్‌లో 5S విధానాన్ని పాటించి ఫైల్స్ క్రమపద్ధతిలో ఉంచాలని సూచించారు.*మహిళా భద్రత – విజిబుల్ పోలీసింగ్‌ పై దృష్టి*మహిళల భద్రత పట్ల అప్రమత్తంగా ఉండాలని ఎస్పీ అశోక్‌కుమార్ సూచించారు. ప్రజలకు సత్వర న్యాయం అందించడంలో విజిబుల్ పోలీసింగ్‌ పాత్ర కీలకమని తెలిపారు. ప్రతి పోలీస్‌ అధికారి బాధ్యతాయుతంగా వ్యవహరించాలని, విచారణలో నిష్పక్షపాత ధోరణి పాటించాలని సూచించారు. అసాంఘిక కార్యకలాపాలను అరికట్టడంలో ప్రజల సహకారం అవసరమని పేర్కొన్నారు.*సిబ్బందికి మార్గదర్శనం – టెక్నాలజీ వినియోగం*పోలీస్ శాఖలో ఆధునిక టెక్నాలజీ వినియోగంపై సిబ్బందికి పూర్తి అవగాహన ఉండాలని ఎస్పీ సూచించారు. విధి నిర్వహణలో క్రమశిక్షణ, బాధ్యతాయుత ధోరణి అవసరమని చెప్పారు. సిబ్బందికి ఏవైనా సమస్యలు ఉన్నా పై అధికారుల దృష్టికి తీసుకురావాలని సూచించారు.*పచ్చదనం–పరిశుభ్రతకు పిలుపు*తనిఖీ అనంతరం ఎస్పీ స్టేషన్‌ ప్రాంగణంలో మొక్కలు నాటారు. పర్యావరణ పరిరక్షణలో భాగంగా ప్రతి పోలీస్ సిబ్బంది పచ్చదనం కోసం కృషి చేయాలని పిలుపునిచ్చారు. పోలీస్‌స్టేషన్‌ పరిసరాలు పరిశుభ్రంగా ఉంచాలని సూచించారు. ఈ కార్యక్రమంలో డీఎస్పీ రాములు, డీసీఆర్‌బీ ఇన్‌స్పెక్టర్ శ్రీనివాస్, కోరుట్ల–మెట్‌పల్లి సీఐలు సురేష్, అనిల్‌కుమార్, ఎస్సైలు చిరంజీవి, రామచందర్, శ్రీధర్ రెడ్డి, నవీన్, కిరణ్‌కుమార్, రాజు తదితర పోలీసులు పాల్గొన్నారు.______