భూఆక్రమణదారుడిపై సస్పెక్ట్ షీట్

నేటి సాక్షి, కరీంనగర్​: కరీంనగర్ జిల్లా గంగాధర మండలం లక్ష్మీదేవిపల్లికి చెందిన గుర్రం రాజిరెడ్డిపై రూరల్ ఏసీపీ వెంకటరమణ సస్పెక్ట్​ షీట్​ తెరిచారు. రాజిరెడ్డి అక్రమంగా భూ ఆక్రమణలకు పాల్పడటం.. పలు కేసుల్లో నిందితుడిగా ఉండటం.. వివిధ నేరాల్లో సైతం చురుకుగా ఉండటంతో అతనిపై సస్పెక్ట్ షీట్ తెరవాలని కొత్తపల్లి ఎస్సై సాంబమూర్తి అభ్యర్థన మేరకు కరీంనగర్ రూరల్ ఇన్స్పెక్టర్ ప్రదీప్ కుమార్ సిఫారసు చేశారు. ఈ మేరకు సోమవారం ఉత్తర్వులు వెలువడ్డాయి. రాజిరెడ్డి కదలికలపై ప్రత్యేక నిఘా ఏర్పాటుచేసి ఎప్పటికప్పుడు కదలికలను గమనించాలని కొత్తపల్లి ఎస్సైను రూరల్ ఏసీపీ ఆదేశించారు.