- – కరీంనగర్ బైపాస్లో 70 కిలోల గంజాయి స్వాధీనం
- – ఏపీకి చెందిన ఇద్దరు, మహారాష్ట్రకు చెందిన ఒకరు అరెస్ట్
నేటి సాక్షి, కరీంనగర్ క్రైం: కరీంనగర్లో భారీగా గంజాయి పట్టుబడింది. శనివారం బైపాస్ వద్ద కరీంనగర్ వన్ టౌన్ పోలీసులు తనిఖీలు నిర్వహించగా, కారు(ఏపీ 31 బీహెచ్ 2925)లో గంజాయి గుర్తించారు. అందులో ప్రయాణిస్తున్న విశాఖ జిల్లా కొమ్మాదికి చెందిన సెరకనం రామకృష్ణ, కాకినాడ జిల్లా కిర్లంపూడికి చెందిన దొడ్డి మణికంఠ, మహారాష్ర్టకు చెందిన ధర్మేంద్రకుమార్ను అదుపులోకి తీసుకున్నారు. వారిని విచారించగా, ఒడిశా నుంచి మహారాష్ట్రకు గంజాయి తరలిస్తున్నట్లు చెప్పారు. వారి వద్ద నుంచి 70 కిలోల గంజాయి, కారు స్వాధీనం చేసుకొని కేసు నమోదు చేశారు. గంజాయి పట్టివేతకు కృషిచేసిన వన్ టౌన్ ఇన్స్పెక్టర్ సరిలాల్, ఎస్సై స్వామితో పాటు సిబ్బందిని టౌన్ ఏసీపీ అభినందించారు.
