నా వార్డు ప్రజలు బాగుంటేనే..

నేటి సాక్షి, జమ్మికుంట (మోరె ప్రశాంత్): తన వార్డు ప్రజలు బాగుంటేనే తాను బాగుంటానని జమ్మికుంట ఆరో వార్డు కౌన్సిలర్​ శ్రీపతి నరేశ్​ అన్నారు. రెండు రోజులుగా కురుస్తున్న వర్షాలకు కాలనీలోని కాలువలు నిండిపోగా, మరికొన్ని చెత్తాచెదారంతో నిండిపోయాయి. ఆదివారం ఉదయం 6గంటల నుంచి ఆయన మున్సిపల్​ సిబ్బందితో కలిసి కాలువలను క్లీన్​ చేయించారు. వరద నీరు సాఫీగా వెళ్లేలా చేశారు. వర్షాల నేపథ్యంలో ప్రజలు అప్రమత్తంగా ఉండాలని, కరెంటు స్థంబాల దగ్గర ఉండొద్దని, తీగలను ఎట్టి పరిస్థితిలో పట్టుకోవడం గానీ, ముట్టుకోవడం చేయొద్దని సూచించారు. ఏమైనా సమస్యలు ఉంటే తన దృష్టికి తేవాలని పేర్కొన్నారు.