- మాఫీ కానున్న రూ.1.50 లక్షలు
- రైతులు, ప్రజా ప్రతినిధులు తరలిరావాలి
- సిరిసిల్ల కలెక్టర్ సందీప్ కుమార్ ఝా..
నేటి సాక్షి ప్రతినిధి, రాజన్న సిరిసిల్ల: రాష్ట్ర ప్రభుత్వం ప్రతిష్టాత్మకంగా అమలు చేస్తున్న రైతు రుణమాఫీ రెండవ విడుత నిధులను రాష్ట్ర ప్రభుత్వం మంగళవారం ఉదయం 11 గంటలకు విడుదల చేయనున్నదని సిరిసిల్ల కలెక్టర్ సందీప్కుమార్ ఝా తెలిపారు. జిల్లా సమీకృత కార్యాలయాల సముదాయంలోని సమావేశ మందిరంలో జిల్లాలోని ప్రజా ప్రతినిధుల, రైతుల, అధికారుల సమక్షంలో రెండో విడుత రుణమాఫీ రూ. 1.50 లక్షల కార్యక్రమం నిర్వహించనున్నామని పేర్కొన్నారు.
ఈ రుణమాఫీ కార్యక్రమంలో జిల్లాలోని రైతులు, ప్రజాప్రతినిధులు, ఆయా శాఖల అధికారులు వ్యవసాయ శాఖ సిబ్బంది, సహకార శాఖ సిబ్బంది, బ్యాంక్ సిబ్బంది పాల్గొంటారని కలెక్టర్ తెలిపారు. రుణమాఫీ లబ్ధిదారులైన రైతులు కార్యక్రమాన్ని విజయవంతం చేయాలని పిలుపునిచ్చారు.
