*సంప్రదాయాలకు ప్రతీక సంక్రాంతి పండగ** కలెక్టరేట్లో ముందస్తు సంక్రాంతి సంబరాలు* ముగ్గుల ద్వారా ‘POSH’ చట్టం – 2013 పై అవగాహన——*

నేటి సాక్షి – జగిత్యాల బ్యూరో*( రాధారపు నర్సయ్య )సంక్రాంతి పండగను పురస్కరించుకుని జిల్లా మహిళా శిశు సంక్షేమ శాఖ ఆధ్వర్యంలో ఈరోజు జిల్లా కలెక్టరేట్ సముదాయంలో మహిళా ఉద్యోగినులకు ముగ్గుల పోటీలు నిర్వహించారు. కేవలం సంప్రదాయ ముగ్గులకే పరిమితం కాకుండా, “పని ప్రదేశంలో మహిళలపై లైంగిక వేధింపుల (నివారణ, నిషేధం మరియు పరిష్కారం) చట్టం – 2013” (POSH Act) అనే సామాజిక ఇతివృత్తంతో (Theme) ఈ పోటీలు నిర్వహించారు.*ప్రత్యేక ఆకర్షణగా కలెక్టర్ దంపతులు*ఈ కార్యక్రమంలో జిల్లా కలెక్టర్ దంపతులు పాల్గొని..కార్యక్రమానికి ప్రత్యేక ఆకర్షణగా నిలిచారు.మహిళా ఉద్యోగినులు వేసిన ముగ్గులను ఆసక్తిగా తిలకించారు. ఈ సందర్భంగా జిల్లా ప్రజలకు, ఉద్యోగులకు భోగి, సంక్రాంతి మరియు కనుమ శుభాకాంక్షలు తెలియజేశారు. *మహిళలకు పని పై,దేశాల్లో రక్షణ*అనంతరం జిల్లా కలెక్టర్ బి. సత్యప్రసాద్ మాట్లాడుతూ..మహిళలకు పని ప్రదేశాల్లో రక్షణ కల్పించడంలో ప్రతి ఒక్కరూ భాగస్వాములు కావాలని, చట్టాలపై అవగాహన కలిగి ఉండాలని పిలుపునిచ్చారు. ఈ సందర్భంగా లైంగిక వేధింపుల నిరోధక చట్టం యొక్క గోడ పత్రికను (Poster) జిల్లా కలెక్టర్ ఆవిష్కరించారు.*చట్టంపై అవగాహన*జిల్లా సంక్షేమ అధికారి బి. నరేష్ పి.పి.టి (PPT) ప్రెజెంటేషన్ ద్వారా POSH చట్టం-2013 యొక్క ప్రాముఖ్యతను, ఫిర్యాదుల పరిష్కార విధానాలను వివరించారు.ప్రతి సంస్థలో అంతర్గత కమిటీల (ICC) ఏర్పాటు ఎంత ఆవశ్యకమో అధికారులకు, ఉద్యోగులకు వివరించారు.*విజేతల వివరాలు:*సృజనాత్మకతతో పాటు, చట్టం యొక్క అర్థాన్ని ముగ్గుల ద్వారా చాటిచెప్పిన విజేతలకు జిల్లా కలెక్టర్ చేతుల మీదుగా బహుమతులు అందజేశారు.• ప్రథమ, ద్వితీయ, తృతీయ బహుమతులు: థీమ్ ఆధారంగా ఉత్తమ ముగ్గులు వేసిన వారికి అందించారు.• ప్రోత్సాహక బహుమతులు: పోటీలో పాల్గొన్న మహిళా ఉద్యోగినులందరికీ జిల్లా కలెక్టర్ బహుమతులు పంపిణీ చేసి ప్రోత్సహించారు.ఈ కార్యక్రమం లో మహిళా ఉద్యోగులు మరియు మహిళలు పెద్ద ఎత్తున ఉత్సాహంగా పాల్గొన్నారు.ఈ కార్యక్రమంలో జిల్లా అదనపు కలెక్టర్ (స్థానిక సంస్థలు) బి. రాజ గౌడ్, జిల్లా సంక్షేమ అధికారి బి. నరేష్, జిల్లా అధికారులు, మహిళా ఉద్యోగులు మరియు తదితరులు పాల్గొన్నారు.—–