*కోరుట్లలో కల్యాణ లక్ష్మి–షాదీ ముబారక్ చెక్కుల పంపిణీ** 159 మంది లబ్ధిదారులకు రూ.1.59 కోట్లకు పైగా ఆర్థిక సహాయం*

నేటి సాక్షి – కోరుట్ల*( రాధారపు నర్సయ్య )కోరుట్ల పట్టణం మరియు కోరుట్ల మండలానికి చెందిన అర్హులైన లబ్ధిదారులకు తెలంగాణ ప్రభుత్వం అమలు చేస్తున్న కల్యాణ లక్ష్మి–షాదీ ముబారక్ పథకంలో భాగంగా చెక్కులను కోరుట్ల ఎమ్మెల్యే డాక్టర్ కల్వకుంట్ల సంజయ్ పంపిణీ చేశారు.—*ప్రజల సంక్షేమమే లక్ష్యం*కోరుట్లలోని ఎమ్మెల్యే క్యాంపు కార్యాలయంలో నిర్వహించిన కార్యక్రమంలో మొత్తం 159 మంది లబ్ధిదారులకు రూ.1,59,18,444 (ఒక కోటి యాభై తొమ్మిది లక్షల పద్దెనిమిది వేల నాలుగు వందల నలపై నాలుగు రూపాయలు) విలువగల చెక్కులను ఎమ్మెల్యే డాక్టర్ కల్వకుంట్ల సంజయ్ అందజేశారు. ఆర్థిక ఇబ్బందులతో ఉన్న కుటుంబాలకు ఈ పథకం పెద్ద ఊరటగా నిలుస్తోందని ఆయన పేర్కొన్నారు.*పేద కుటుంబాలకు భరోసా*వివాహ సమయంలో పేద కుటుంబాలపై పడే ఆర్థిక భారం తగ్గించాలనే ఉద్దేశంతో ప్రభుత్వం ఈ పథకాన్ని అమలు చేస్తోందని ఎమ్మెల్యే తెలిపారు. అర్హులైన ప్రతి ఒక్కరికీ ఎలాంటి అవాంతరాలు లేకుండా పథక లబ్ధి అందేలా అధికారులు కృషి చేయాలని సూచించారు.కల్యాణ లక్ష్మి–షాదీ ముబారక్ పథకాలు సామాజిక సమానత్వానికి నిదర్శనమని,ఆయన అన్నారు. మహిళల సాధికారత దిశగా ఈ పథకాలు కీలక పాత్ర పోషిస్తున్నాయని పేర్కొన్నారు.చెక్కులు అందుకున్న లబ్ధిదారులు ప్రభుత్వానికి, ఎమ్మెల్యేకు కృతజ్ఞతలు తెలిపారు. వివాహ ఏర్పాట్లలో ఆర్థిక సహాయం ఎంతో ఉపయోగపడుతుందని వారు ఆనందం వ్యక్తం చేశారు. కార్యక్రమంలో స్థానిక ప్రజాప్రతినిధులు, అధికారులు, పార్టీ నాయకులు పాల్గొన్నారు.—-