- తిరుపతి మేయర్ శ్రీమతి శిరీష దంపతులు వైష్ణవి హాస్పిటల్ అధినేత డాక్టర్ మునిశేఖర్ గారి ప్రత్యేక దర్శనం & అన్నదాన సేవా కార్యక్రమం
నేటి సాక్షి తిరుపతి జిల్లా (బాదూరు బాల) : తిరుపతి నగరంలో విశేష భక్తిశ్రద్ధలతో నిర్వహించబడుతున్న శ్రీ రేణుకా పరమేశ్వరి అమ్మవారి వార్షిక బ్రహ్మోత్సవాలు భక్తుల ఉత్సాహం మధ్య అద్భుతంగా కొనసాగుతున్నాయి. ఈ పవిత్ర కార్యక్రమంలో తిరుపతి మేయర్ శ్రీమతి శిరీష దంపతులు ప్రత్యేకంగా హాజరై అమ్మవారిని దర్శించుకొని, పూజా కార్యక్రమాల్లో పాల్గొన్నారు. మేయర్ దంపతులను ఆలయ అర్చకుల ఆశీర్వచనాల మధ్య అమ్మవారికి ప్రత్యేక పూజలు నిర్వహించి నగర అభివృద్ధి, ప్రజల సంక్షేమం, సర్వమంగళ ప్రాప్తి కోసం ప్రత్యేక పూజలు చేశారు. భక్తుల నమ్మకానికి, సాంస్కృతిక వారసత్వానికి ప్రతీకగా నిలిచే ఇలాంటి ఉత్సవాలు, సమాజంలో ఆధ్యాత్మిక శోభను చాటిచెప్పే అంశాలని ఆమె పేర్కొన్నారు.
అన్నదాన మహోత్సవంలో మేయర్ గారి ప్రత్యేక భాగస్వామ్యం ధార్మిక సంప్రదాయాల్లో అన్నదానం పరమ ధర్మం అనే సూత్రాన్ని పాటిస్తూ, బ్రహ్మోత్సవాల్లో అన్నదాన కార్యక్రమం విశేషంగా నిర్వహించబడింది. మేయర్ శ్రీమతి శిరీష దంపతులు వైష్ణవి హాస్పిటల్ అధినేత డాక్టర్ మునిశేఖర్ గారు స్వయంగా భక్తులకు అన్నప్రసాదం వితరణ చేసి, ఈ మహత్తర సేవలో భాగమయ్యారు. వేలాది మంది భక్తులు ఈ అన్న ప్రసాదాలను స్వీకరించి, అమ్మవారి కృపకు పాత్రులయ్యారు. బ్రహ్మోత్సవాల సందర్భంగా , ప్రత్యేక అభిషేకాలు, ఆలయ ప్రాంగణంలో సంగీత-భజన కార్యక్రమాలు నిర్వహించబడ్డాయి. భక్తుల నిస్వార్థ సేవా భావానికి, తిరుపతి నగరంలోని ఆధ్యాత్మికతకు ఇది మరో ఉదాహరణగా నిలిచింది. ఈ సందర్భంగా మేయర్ గారు మాట్లాడుతూ, తిరుపతి భక్తి, మతసామరస్యానికి నిలయం అని, ఇలాంటి ఉత్సవాలు సాంప్రదాయాలను ముందుకు తీసుకెళ్లే మహోత్సవాలుగా అభివృద్ధి చెందాలని ఆకాంక్షించారు. భవిష్యత్తులో ఇలాంటి ఆధ్యాత్మిక, సేవా కార్యక్రమాలకు మరింత మద్దతునందించనున్నట్లు తెలిపారు. శ్రీ రేణుకా పరమేశ్వరి అమ్మవారి కృపతో – శాంతి, అభివృద్ధి, భక్తి మార్గంలో ముందుకు సాగుదాం! అని శిరీష గారు అన్నారు.
