నేటి సాక్షి,ఆందోల్:

ప్రజల కష్టాలను తన కష్టాలుగా భావిస్తూ, ఆపదలో ఉన్న కుటుంబాలకు ప్రభుత్వ సహాయం అందేలా చొరవ చూపుతున్న రాష్ట్ర ఆరోగ్యశాఖ మంత్రి దామోదర్ రాజనర్సింహకు ఆందోల్ నియోజకవర్గ ప్రజల నుంచి అభినందనలు వెల్లువెత్తుతున్నాయి. మంత్రి చొరవతో గత 30 నెలల కాలంలో ఆందోల్ నియోజకవర్గ ప్రజలకు వివిధ ప్రభుత్వ ఆర్థిక సహాయ పథకాల ద్వారా మొత్తం ₹24 కోట్ల మేర ఆర్థిక సహాయం అందినట్లు వెల్లడించారు.

**ముఖ్యమంత్రి సహాయ నిధి ద్వారా₹16 కోట్లు
అనారోగ్యంతో బాధపడుతున్న కుటుంబాలకు వైద్య చికిత్సల భరోసా**


పేద, మధ్యతరగతి కుటుంబాల్లో అనారోగ్య సమస్యలు ఎదురైనప్పుడు ఖరీదైన వైద్య చికిత్సల భారం కుటుంబాలపై పడకుండా ముఖ్యమంత్రి సహాయ నిధి ద్వారా ఆర్థిక సహాయం అందేలా మంత్రి దామోదర్ రాజనర్సింహ ప్రత్యేక చొరవ తీసుకున్నట్లు తెలిపారు. గత 30 నెలల్లో ₹16 కోట్ల మేర వైద్య సహాయం అందినట్లు పేర్కొన్నారు.

ప్రభుత్వ ఆర్థిక సహాయ లేఖల ద్వారా — ₹8 కోట్లు
అత్యవసర ప్రజా అవసరాలకు ఆర్థిక అండ
వైద్య చికిత్సలతో పాటు ఇతర అత్యవసర ప్రజా అవసరాల కోసం ప్రభుత్వ ఆర్థిక సహాయ లేఖల ద్వారా ₹8 కోట్ల మేర సహాయం అందినట్లు వెల్లడించారు. ఆపదలో ఉన్న కుటుంబాలకు ప్రభుత్వ సహాయం అందేలా మంత్రి సంబంధిత అధికారులతో సమన్వయం చేస్తూ కృషి చేస్తున్నారని తెలిపారు.

మొత్తం ప్రభుత్వ సహాయం — ₹24 కోట్లు
30 నెలలు.. ₹24 కోట్ల ఆర్థిక భరోసా
₹16 కోట్లు — ముఖ్యమంత్రి సహాయ నిధి₹8 కోట్లు — ప్రభుత్వ ఆర్థిక సహాయ లేఖలు.

మొత్తం — ₹24 కోట్లు ఆపదలో అందిన ప్రతి రూపాయి..ఒక కుటుంబానికి భరోసా..
ఒక కుటుంబానికి ఆశ..
ఒక కుటుంబానికి ధైర్యం.”
ప్రజలకు ఏ కష్టం వచ్చినా వారి సమస్యలను ప్రభుత్వం దృష్టికి తీసుకెళ్లి, అర్హులకు ప్రభుత్వ సహాయం అందేలా మంత్రి దామోదర్ రాజనర్సింహ నిరంతరం కృషి చేస్తున్నారని ఆయన అనుచరులు పేర్కొన్నారు.ఆరోగ్యం, ఆర్థిక ఇబ్బందులు, అత్యవసర పరిస్థితుల్లో ప్రభుత్వ సహాయం కోసం ఎదురుచూస్తున్న కుటుంబాలకు అండగా నిలుస్తూ.. ప్రజల సంక్షేమమే లక్ష్యంగా మంత్రి ముందుకు సాగుతున్నారని తెలిపారు.

ప్రజల కష్టాల్లో తోడుగా..
ఆపదలో అండగా..అవసరంలో భరోసాగా.. !ఆందోల్ నియోజకవర్గ ప్రజల తరఫున మంత్రి దామోదర్ రాజనర్సింహకు ప్రత్యేక కృతజ్ఞతలు తెలిపారు.