వన్​ మ్యాన్​.. ఫోర్​ జాబ్స్​

నేటి సాక్షి, కమలాపూర్: పట్టుదలతో కష్టపడితే ఏదైనా సాధించవచ్చని వెన్నంపల్లి మనోజ్​కుమార్​ నిరూపించాడు. హనుమకొండ జిల్లా కమలాపూర్ మండల పరిధిలోని కన్నూర్ గ్రామానికి చెందిన వెన్నంపల్లి శంకరయ్యకు ఇద్దరు కొడుకులు, కూతురు ఉన్నారు. ఈ ముగ్గురిలో గతంలోనే ఇద్దరూ ఉద్యోగాలు సాధించి గ్రామానికి, కన్న తల్లిదండ్రులకు పేరు తీసుకొచ్చారు. చిన్న కొడుకు మనోజ్​కుమార్ ఏకంగా నాలుగు ఉద్యోగాలు సాధించి, గ్రామ కీర్తిని మరింత ఇనుమడిపంజేశాడు. నెల రోజుల క్రితం గ్రూప్–4 టౌన్ ప్లానింగ్ అసిస్టెంట్ ఇంజినీర్ ఉద్యోగాలు సాధించాడు. ఈ నెల 4 న ఆదివారం వెలువడిన ఫలితాల్లో అసిస్టెంట్ ఎగ్జిక్యూటివ్ ఇంజనీర్​గా విజయం సాధించాడు. ఈ సందర్భంగా మనోజ్​కుమార్ మాట్లాడుతూ ఒక ప్రణాళిక ప్రకారం, ఇష్టంతో కష్టపడి చదివితే సాధించనిది ఏదీ లేదని అన్నారు. తనకు నచ్చిన అసిస్టెంట్ ఎగ్జిక్యూటివ్ ఇంజినీరుగా విధుల్లో చేరుతానని అన్నారు. తల్లిదండ్రులు ఆనందంతో మురిసిపోతున్నారు. గ్రామ ప్రజలు మిత్రులు అభినందనలు తెలిపారు.