శభాష్​ కావ్య..

నేటి సాక్షి, జమ్మికుంట (మోరె ప్రశాంత్) : జమ్మికుంట మారుతినగర్​కు చెందిన కావ్య జాతీయ స్థాయి కరాటే చాంపియన్​షిప్​లో బంగారు పతకం సాధించగా, మంగళవారం అంతర్జాతీయ క్రీడాకారుడు అంబాల ప్రభాకర్​(ప్రభు) ఆమెను సత్కరించారు. సెయింట్​ జోసెఫ్​ స్కూల్​లో 9వ తరగతి చదువుతున్న కావ్య, ఈ నెల 4న గ్లోబల్ చోటో కాన్ కరాటే డూ ఇండియా కరీంనగర్​ జిల్లా అసోసియేషన్ ఆధ్వర్యంలో నిర్వహించిన జాతీయ స్థాయి కరాటే చాంపియన్ షిప్ పోటీల్లో పాల్గొని, మెడల్స్​ కైవసనం చేసుకున్నది. ఈ సందర్భంగా ఆమెను ప్రభు శుభాకాంక్షలు తెలిపి మాట్లాడారు. జన్ను కావ్య కరాటే పోటీల్లో బంగారం పతకం సాధించడం ఈ ప్రాంతానికే కాకుండా కరీంనగర్ జిల్లా, తెలంగాణ రాష్ట్రానికి గర్వకారణం అని అభివర్ణించారు. అదే విధంగా ప్రత్యేక శిక్షణ అందిస్తూ వందలాది మందిని జాతీయ, అంతర్జాతీయ పోటీల్లో ప్రతిభ కనబరిచేలా తయారు చేస్తున్న హుజూరాబాద్ కరాటే మాస్టర్ జలీల్​ను ప్రత్యేకంగా శాలువతో సత్కరించి అభినందించారు. భవిష్యత్తులో జాతీయ, అంతర్జాతీయ పోటీల్లో బంగారు పతకాలు సాధించాలని కోరారు. యువతి యువకులు చెడు వ్యసనాలకు దూరం ఉంటూ, కరాటే, స్పోర్ట్స్ అండ్ గేమ్స్​పై దృష్టి పెట్టాలని కోరారు. చదువుతోపాటు ఆటల్లో రాణించాలని సూచించారు.