హెడ్లైన్ : అంబేద్కర్ చిత్రపటాన్ని గౌరవప్రదంగా ఏర్పాటు చేయలేదంటూ ఆందోళన

నేటి సాక్షి న్యూస్ జూలై 08


కౌతాళం మండల కేంద్రంలోని శ్రీశక్తి భవనంలో భారత రాజ్యాంగ నిర్మాత డాక్టర్ బి.ఆర్. అంబేద్కర్ చిత్రపటాన్ని గౌరవప్రదంగా ఏర్పాటు చేయకుండా నిర్లక్ష్యంగా ఉంచిన ఘటనపై పలువురు ఆందోళన వ్యక్తం చేశారు. భవనంలో వివిధ రాజకీయ నాయకుల చిత్రపటాలను గోడలపై ఏర్పాటు చేసినప్పటికీ, అంబేద్కర్ చిత్రపటాన్ని స్టాండ్ కింద ఉంచడం సమంజసం కాదని వారు విమర్శించారు.
రాజ్యాంగ రూపకర్తగా దేశానికి విశిష్ట సేవలందించిన అంబేద్కర్ చిత్రపటానికి తగిన గౌరవం కల్పించాల్సిన బాధ్యత సంబంధిత అధికారులపై ఉందని పేర్కొన్నారు. చిత్రపటాన్ని ఈ విధంగా ఉంచడం దళితుల మనోభావాలను దెబ్బతీసే చర్యగా భావిస్తున్నామని తెలిపారు. ప్రజాప్రతినిధులు, అధికారులు వెంటనే స్పందించి చిత్రపటాన్ని గౌరవప్రదమైన స్థానంలో ఏర్పాటు చేయాలని కోరారు.
ఈ ఘటనపై సమగ్ర విచారణ జరిపి, నిర్లక్ష్యానికి బాధ్యులైన వారిపై తగిన చర్యలు తీసుకోవాలని స్థానికులు డిమాండ్ చేశారు. భవిష్యత్తులో ఇటువంటి ఘటనలు పునరావృతం కాకుండా చర్యలు చేపట్టాలని కోరుతున్నారు.