*..రాజేంద్రనగర్ ప్రజలకు కీలక విజ్ఞప్తి.. ఓటరు మ్యాపింగ్‌ను తప్పనిసరిగా పూర్తి చేయండి* *.కిస్మత్పూర్ 122వ డివిజన్‌లో ఎస్‌ఐఆర్ ప్రక్రియ వేగవంతం* *.ప్రతి ఓటు అమూల్యం.. ప్రజలు చురుకుగా పాల్గొనాలని నీరుడు సర్వేష్ ముదిరాజ్ పిలుపు* *.బండ్లగూడ జాగీర్ ప్రభుత్వ పాఠశాలలో కొనసాగుతున్న ఓటరు వివరాల మ్యాపింగ్*

నేటి సాక్షి శంకర్పల్లి జులై 03 ( సుధాకర్ గౌడ్):


రాజేంద్రనగర్ నియోజకవర్గ ప్రజలు తమ ఓటు హక్కును పరిరక్షించుకోవడానికి ఎస్‌ఐఆర్ (SIR) ప్రక్రియలో భాగంగా నిర్వహిస్తున్న ఓటరు వివరాల మ్యాపింగ్‌ను తప్పనిసరిగా పూర్తి చేయించుకోవాలని తెలంగాణ రక్షణ సేన పార్టీ సీనియర్ నాయకుడు నీరుడు సర్వేష్ ముదిరాజ్ విజ్ఞప్తి చేశారు.ప్రజాస్వామ్యంలో ప్రతి ఓటు అత్యంత విలువైనదని, ఓటరు జాబితాలో వివరాలు సక్రమంగా ఉండేలా ప్రతి ఒక్కరూ బాధ్యతగా వ్యవహరించాలని ఆయన కోరారు.కిస్మత్పూర్ 122వ డివిజన్ పరిధిలోని బండ్లగూడ జాగీర్ ప్రభుత్వ పాఠశాల వద్ద ఓటరు వివరాల మ్యాపింగ్ ప్రక్రియ కొనసాగుతోందని ఆయన తెలిపారు.రాజేంద్రనగర్ నియోజకవర్గంలోని అన్ని ప్రాంతాల ప్రజలు ఈ అవకాశాన్ని సద్వినియోగం చేసుకుని తమ వివరాలను ధృవీకరించుకోవడంతో పాటు, అవసరమైన సవరణలు ఉంటే వెంటనే పూర్తి చేయించుకోవాలని సూచించారు.ఓటరు జాబితాలో సరైన వివరాలు నమోదై ఉండటం ప్రజాస్వామ్య వ్యవస్థను మరింత బలోపేతం చేస్తుందని నీరుడు సర్వేష్ ముదిరాజ్ పేర్కొన్నారు.ప్రతి అర్హత కలిగిన ఓటరు ఈ ప్రక్రియలో పాల్గొని తమ ఓటు హక్కును కాపాడుకోవాలని, ఎలాంటి నిర్లక్ష్యం ప్రదర్శించవద్దని ఆయన విజ్ఞప్తి చేశారు.ప్రజలకు అందుబాటులో ఉన్న ఈ ప్రత్యేక అవకాశాన్ని ప్రతి కుటుంబం వినియోగించుకోవాలని, యువతతో పాటు మహిళలు, వృద్ధులు కూడా తమ ఓటరు వివరాలను పరిశీలించి మ్యాపింగ్ ప్రక్రియను పూర్తి చేసుకోవాలని ఆయన సూచించారు.ఓటు హక్కు ప్రతి పౌరుడి రాజ్యాంగబద్ధమైన హక్కు కావడంతో దానిని పరిరక్షించుకోవడం ప్రతి ఒక్కరి బాధ్యత అని తెలిపారు.ఎస్‌ఐఆర్ ప్రక్రియ విజయవంతం కావాలంటే ప్రజల భాగస్వామ్యం అత్యంత కీలకమని నీరుడు సర్వేష్ ముదిరాజ్ అన్నారు.రాజేంద్రనగర్ నియోజకవర్గ ప్రజలందరూ బండ్లగూడ జాగీర్ ప్రభుత్వ పాఠశాల వద్ద కొనసాగుతున్న మ్యాపింగ్ కేంద్రాన్ని సందర్శించి తమ ఓటరు వివరాలను తప్పనిసరిగా నమోదు చేసుకుని ప్రజాస్వామ్య పరిరక్షణలో భాగస్వాములు కావాలని తెలంగాణ రక్షణ సేన పార్టీ తరఫున ఆయన పిలుపునిచ్చారు.