హెడ్లైన్ : దళిత అయ్యప్ప మృతి దళిత సమాజానికి తీరని లోటు: చిక్కం జానయ్య మాదిగ*

నేటి సాక్షి న్యూస్ జూన్ 30


కర్నూలు జిల్లా మంత్రాలయం మండల కేంద్రానికి చెందిన దళిత అయ్యప్ప ఇటీవల గుండెపోటుతో మృతి చెందడం దళిత సమాజానికి తీరని లోటని జై భీమ్ ఎమ్మార్పీఎస్ ఆంధ్రప్రదేశ్ రాష్ట్ర వ్యవస్థాపక అధ్యక్షుడు చిక్కం జానయ్య మాదిగ పేర్కొన్నారు. అయ్యప్ప మృతికి తొమ్మిది రోజులు పూర్తైన సందర్భంగా మంగళవారం ఆయన నివాసానికి చేరుకుని అయ్యప్ప చిత్రపటానికి పూలమాల వేసి ఘనంగా నివాళులర్పించారు.
ఈ సందర్భంగా చిక్కం జానయ్య మాదిగ మాట్లాడుతూ, దళిత అయ్యప్ప మంత్రాలయం ప్రాంతంలో అందరికీ సుపరిచితుడిగా, సామాజిక సేవా కార్యక్రమాల్లో చురుకుగా పాల్గొనే వ్యక్తిగా గుర్తింపు పొందారని అన్నారు. ఆయన ఆకస్మిక మరణ వార్త తెలిసి దళిత సంఘాల నాయకులు, స్నేహితులు, బంధువులు తీవ్ర దిగ్భ్రాంతికి గురయ్యారని తెలిపారు. అయ్యప్ప లేని లోటు ఎప్పటికీ పూడ్చలేనిదని, ఆయన కుటుంబ సభ్యులు ధైర్యంగా ఉండాలని సూచించారు.
అయ్యప్ప కుటుంబానికి జై భీమ్ ఎమ్మార్పీఎస్ ఎల్లప్పుడూ అండగా ఉంటుందని, అవసరమైన సహాయ సహకారాలు అందించేందుకు సంఘం కట్టుబడి ఉంటుందని ఆయన హామీ ఇచ్చారు. దివంగత అయ్యప్ప ఆత్మకు శాంతి చేకూరాలని ప్రార్థిస్తూ కుటుంబ సభ్యులకు ప్రగాఢ సానుభూతి తెలిపారు.
ఈ కార్యక్రమంలో జై భీమ్ ఎమ్మార్పీఎస్ మంత్రాలయం మండల అధికార ప్రతినిధి సౌలహళ్లి ఏసేపు, పెద్దకడబూరు మండల అధ్యక్షుడు మంచోది ఆదాము మాదిగ, మండల నాయకుడు మడ్రి ఆదాము, ఎమ్మిగనూరు టౌన్ ఇన్‌చార్జి గురజాల జాన్, మంత్రాలయం మండల నాయకులు, కార్యకర్తలు మరియు స్థానిక దళిత సంఘాల ప్రతినిధులు పాల్గొన్నారు.