ప్రైవేట్ విద్యాసంస్థల ఫీజుల నియంత్రణ చట్టం అమలు చేయాలి కే శివకుమార్ * *.డైరెక్టర్ పాఠశాల విద్య కార్యాలయ ముట్టడిలో పాల్గొన్న శివకుమార్ తెలంగాణ రక్షణ సేన పార్టీ ముఖ్య నాయకులు మహిళలు* *.విద్యను వ్యాపారంగా మార్చిన ప్రైవేట్ సంస్థలపై చర్యలు తీసుకోవాలి కే శివకుమార్

నేటి సాక్షి మొయినాబాద్ జూన్ 09 ( సుధాకర్ గౌడ్):


తెలంగాణ రాష్ట్రంలో ప్రైవేట్ విద్యాసంస్థలు విద్యార్థుల తల్లిదండ్రులపై అధిక ఫీజుల భారం మోపుతూ విద్యను వ్యాపారంగా మార్చేశాయని ఈ పరిస్థితిని అరికట్టేందుకు ప్రభుత్వం వెంటనే ప్రైవేట్ విద్యాసంస్థల ఫీజుల నియంత్రణ చట్టాన్ని అమలు చేయాలని తెలంగాణ రక్షణ సేన పార్టీ మహిళా నాయకులు కార్యకర్తలు డిమాండ్ చేశారు.పార్టీ ఎమ్మెల్సీ అభ్యర్థి కవితమ్మ ఆదేశాల మేరకు హైదరాబాద్‌లోని స్కూల్ ఎడ్యుకేషన్ డైరెక్టర్ కార్యాలయాన్ని మంగళవారం ముట్టడించి నిరసన కార్యక్రమం చేపట్టారు.ఈ కార్యక్రమంలో కే శివకుమార్ నియోజకవర్గానికి చెందిన తెలంగాణ రక్షణ సేన పార్టీ నాయకుడు శివకుమార్ మాట్లాడుతూ రాష్ట్రవ్యాప్తంగా ప్రైవేట్ పాఠశాలలు కళాశాలలు ఇష్టారాజ్యంగా ఫీజులు వసూలు చేస్తూ తల్లిదండ్రులను తీవ్ర ఇబ్బందులకు గురి చేస్తున్నాయని ఆవేదన వ్యక్తం చేశారు.ఫీజుల నియంత్రణకు సంబంధించిన చట్టం ఉన్నప్పటికీ దాని అమలులో ప్రభుత్వం నిర్లక్ష్యంగా వ్యవహరిస్తోందని విమర్శించారు.విద్య హక్కు అయినప్పటికీ దానిని కొందరు వ్యాపారంగా మార్చి ప్రజలను దోపిడీ చేస్తున్నారని అన్నారు.అలాగే పాఠశాలల్లో అడ్మిషన్ల పేరుతో పుస్తకాలు యూనిఫాంలు రవాణా తదితర అంశాల పేరుతో అదనపు భారం మోపుతున్నారని కే శివకుమార్ పేర్కొన్నారు.సాధారణ మధ్యతరగతి కుటుంబాలు పిల్లల చదువుల కోసం అప్పులు చేయాల్సిన పరిస్థితి ఏర్పడిందని ప్రభుత్వం వెంటనే ప్రత్యేక కమిటీని ఏర్పాటు చేసి ప్రైవేట్ విద్యాసంస్థల ఫీజులను నియంత్రించాలని డిమాండ్ చేశారు. విద్యార్థులు తల్లిదండ్రుల ప్రయోజనాలను కాపాడేలా కఠిన చర్యలు తీసుకోవాలని కోరారు.ఈ ముట్టడి కార్యక్రమంలో తెలంగాణ రక్షణ సేన పార్టీ మహిళా నాయకులు కార్యకర్తలు పెద్ద సంఖ్యలో పాల్గొని నినాదాలు చేశారు.ఫీజుల నియంత్రణ చట్టాన్ని తక్షణమే అమలు చేయాలని విద్యా రంగంలో పారదర్శకత తీసుకురావాలని ప్రభుత్వాన్ని డిమాండ్ చేశారు.కార్యక్రమంలో చేవెళ్ల నియోజకవర్గ ఇన్చార్జి కే శివకుమార్ పాటు పార్టీకి చెందిన బేగరి రాజు సంజీవరెడ్డి భార్గవ రెడ్డి పవన్ కుమార్ ఎండి అన్వర్ ఖాన్ మేకగూడెం బిక్షపతి బొక్క రవీందర్ రెడ్డి గౌండ్ల సంతోష్ కుమార్ చాకలి విక్రమ్ ఎండి యూనిస్ పలువురు మహిళా నాయకులు, కార్యకర్తలు పాల్గొన్నారు.