రైతు వేదికలో సీఎం రైతు భరోసా నిధుల విడుదల కార్యక్రమం ప్రత్యక్ష వీక్షణ

నేటిసాక్షి, మిర్యాలగూడ : సీఎం రేవంత్ రెడ్డి ఖమ్మం జిల్లా చింతకాని మండలం నుంచి రాష్ట్రవ్యాప్తంగా రైతులకు రైతు భరోసా పథకం కింద రూ.1,009.15 కోట్ల నిధులను విడుదల చేశారు. ఈ నిధులు సుమారు 1.44 లక్షల మంది రైతుల బ్యాంకు ఖాతాల్లో జమయ్యాయి.
ఈ కార్యక్రమాన్ని రాష్ట్రవ్యాప్తంగా ప్రత్యక్ష ప్రసారం (లైవ్) చేయగా, మిర్యాలగూడ మండలంలోని కొత్తగూడెం రైతు వేదికలో వీడియో కాన్ఫరెన్స్ ద్వారా రైతులు వీక్షించారు.
మిర్యాలగూడ మండల వ్యవసాయ అధికారి (ఎంఏఓ) రుషేంద్రమణి ఆధ్వర్యంలో నిర్వహించిన ఈ కార్యక్రమంలో సుమారు 150 మంది రైతులు పాల్గొన్నారు. ఈ సందర్భంగా ముఖ్యమంత్రి రైతు భరోసా పథకం ద్వారా రైతులకు అందుతున్న ఆర్థిక సహాయం, వ్యవసాయాభివృద్ధికి ప్రభుత్వం చేపడుతున్న చర్యలపై వివరించారు.
ఈ కార్యక్రమంలో కిసాన్ జిల్లా అధ్యక్షులు ముదిరెడ్డి నర్సిరెడ్డి, మిర్యాలగూడ పట్టణ కాంగ్రెస్ అధ్యక్షులు నూకల వేణుగోపాల్ రెడ్డి, వ్యవసాయ విస్తరణ అధికారులు పార్వతి, నాగయ్య, అఫ్రీన్, గోపి, రైతులు ఇజ్రాయెల్, సురేందర్ రెడ్డి, కోటిరెడ్డి ప్రజలు తదితరులు పాల్గొన్నారు.